قصة المثل " اسمه بالحصاد و منجله مکسور "
سلام علیکم
اکو واحد زعیم عشیره منل خلفه عنده فرد بنت کامله بل عشرین سنه من لحاظ المال ضعیف لیکن جماعته عدهم مال کثیر.تدرون اخوتی الحالته ضعیفه محد یسمع احچایته.
گال البنته یبا تعالی عندی رای
گالتله یبا رایک ولهدی آمر!
گالهه احنه نرحل منهان.
البنت گالت لیش
یبا گالهه یبا عمامچ مایسمعون احچایتی و رایهم مایعجبنی چا خل نرحل لا عین التشوف ولا الگلب یحترگ...
گالتله صار یبه الرای رایک.
لیکن یبا عندی شرط اویاک
گالهه: گولی ...گالت یبا احنا انروح الدیرت غُرُب انته تطلع للصید ولا للگهوه.ترخصنی البس اهدوم رجال خاطر اثنین رجال مع بعض انصیر لحد ایعیل بیه.
گال له صار یبا افعلی بما یعجبچ.
لبست الشطفه والدشداشه صارت ولد بلعشرین و اهیه حلوه مزیونه صارت اتخبل. تعرفون اسنین قبل البیوت من شعر و الرکوبه ماتوجد بس الخیل بلیل هدو عمود البیت وحملو بلیل. و مشو الدیره غریبه و بعیده طارف العرب بنو بیتهم شمال العشیره ، من بعد ثلاثه ایام الملک مال العشیره وده غلمانه گالهم البیت الساکن طرف العشیره تدعونهم لبیتی.اجو گالولهم الملک ایگول باچر مدعوین عند للغده.گالولهم حبآ وکرامتآ.مشکورین.اخوتی اجه باچر و طلعو راحو البیت الملک اتهله بیهم الملک گالهم بین اهلکم و ناسکم تطلبون مطلوبین تره احنا ما انقص..گالو للملک کفیت و وفیت ماحبینه غیر عشرتکم. رحب بیهم .من رجعو لبیتهم اتعدو للصید هوه و بنته التی لابسه اهدوم رجال بالطریق یصدفون ابنیه حلوه کلش جمیله اتلگط یله تعرفون ال یله للنار ایزهبونهه. اخوتی های البنیه ام یله شافت البنت ال لابسه اهدوم رجال حسبالهه ولد عشگته،
راحت لمهه گالت یمه هذا الولد القبل کم یوم لفو العشیره تره احبه انه ماادری انتی دبریهه
گالت البتهه یمه مایصیر مانعرفهم اصل فصل اذا هو ایحبچ یجی ایقدم لخطوبتچ
گالت ما ادری لو اتزوجونی لهذا الولد لو اکتل روحی
خلاصه ماطولک السالفه.
امهه گالت الحل عندی
بنتهه گالت اشون؟
امهه گالته اللیله اصرخی بعالی صوتچ لما تفزع العرب گولی هذا الولد طفر علی ابیتی وهان کرامتی لما القضیه توصل للملک ایجبره یفصل ویاخذچ ویصیر الببالچ.
لیله امنل لیلالی صاحت ها الزینین الحگولی. فزعت العرب اشصایر گالت ابن افلان کذا وکذا. القضیه وصلت للملک! الملک گال چتفوهم هو و ابوه جیبوهم عندی.
جابوهم
گال للابو عشرتنه غبره لو ملحنه ماخزر ابنک ایسوی های السالفه
جاوب الآبو گال ابنی هوه عنده السان و ایجاوب اذا هوه بری ایبری نفسه و یطلع و اذا السالفه صوبه اخذ راسه و خل اتصیر عبر الکل الناس خاطر لحد ایسوی اختهه. الملک گال انته الولد احچی .
گال ((اتهمونی والتهیمه مالهه اصول)) (( لانی للعشیره والخلگ مستور)) ((اسمی بلحصاد و منجلی مکسور))
الملک عرگ من جبینه لرجلیه گال لبوهه کفو علیک اذا هیچ امر بیک المُلک الی عندی الک نصف، انت شریکی بالمال و ازوجک بعد، عندی سبع بنات سته خواتک و وحده حلیله لک، اتخیر
الزبده، اخوتی زوجه و گاله بنتک لآن منطق کلام اریدهه زوجه لی
الابو انطاهه له و اتعاشرو سنین
اخوتی هذی القصه المثل (اسمه بلحصاد ومنجله مکسور) صح المثل من گال کل مثل و له قصه
مع تحیاتی للجمیع
المصدر: فولکلور الاهواز
